Zindagi, Dost aur Mulaakat


Zindagi………………………………………….

vo kaun hain jinhen taubaa ki mil gai fursat
hamen gunaah karne ko bii zindagi kam hai.

mere khudaa mujh ko thodii si zindagii dede
udaas mere janaaze se jaa rahaa hai koi.

zindagi shamaa ki maanind jalaataa huun “Nadeem”
bujh to jaaungaa magar subah to kar jaaungaa.

zindagi tujh se har ek saans pe samajhautaa karun
shauq jiine kaa hai mujh ko magar itanaa to nahiin.

zindagii jis ne talKh kii merii
vo mujhe zindagii se pyaaraa hai.

zindagii ke udaas lamhon mein
bevafaa dost yaad aate hain.

zindagii ko bhii tere dar se bhikhaari ki tarah
ek pal ke liye rukanaa hai guzar jaanaa hai

Dost…………………………………………….

mujhe mere doston se bachaaiye “Rahi”
dushmanon se main Khud nipat luungaa

bhuul shayad bahut badii kar li
dil ne duniyaa se dostii kar li

tum takalluf ko bhii iKhlaas samajhate ho “Faraz”
dost hotaa nahiin har haath milaane vaalaa

hamen bhii doston se kaam aa padaa yaanii
hamaare doston ke bevafaa hone kaa vaqt aayaa

dushmano se pasheman honaa padaa
doston kaa Khuluus aazamaane ke baad

hataaye the jo raah se doston kii
vo patthar mere ghar mein aane lage hain

main muddaton jiyaa huun kisii dost ke bagair
ab tum bhii saath chhodne ko kah rahe ho, Khair

laakh be-mehar sahi dost to rakhate ho “Faraz”
inhen deKho ki jinhen koii bhii sitamagar na milaa

Mulakaat…………………………………………..

aaj to mil ke bhii na mile ham tujh se
chaunk uthate the kabhii terii mulaaqaat se ham

na jii bhar ke dekhaa na kuchh baat kii
badii aarazuu thii mulaaqaat kii

ye ek shab kii mulaaqaat bhii ganiimat hai
kise hai kal kii Khabar thodii duur saath chalo

munhasir vaqt-e-muqarrar pe mulaaqaat huii
aaj ye aap kii jaanib se naii baat huii

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: